O gatiño nocturno

O gatiño nocturno

A editorial Lata de Sal publica dúas coleccións: “Vintage” (que sigo fielmente) e “Gatos” (que colecciona a miña amiga Mónica). Desta volta vouvos falar dun libro desta segunda colección, porque só ollar a portada xa namora. Tanto, que a compañeira de Plástica pediu que se mercase para a biblioteca. A verdade é que é unha auténtica pasada este álbum de Sonja Danowski titulado O gatiño nocturno. A esta ilustradora xa a admiraba polo seu traballo en O principio, publicado por Kalandraka, e aquí volve conquistar, sen dúbida ningunha. A historia é sinxela, o amor polos animais, o respecto, a solidariedade; sinxela pero conmovedora. Amor pola música, asemade, tanto que o libro remata cunha partitura, unha oferta especial.

Source: TRAFEGANDO RONSEIS

2017-08-10T11:03:00+00:00 10 / 08 / 2017|Trafegando ronseis|