Mondoñedo é poesía 2019: Recital poético-musical

Inicio/DE ESCRITORES GALEGOS/Caderno de campo/Mondoñedo é poesía 2019: Recital poético-musical

Mondoñedo é poesía 2019: Recital poético-musical

MONDOÑEDO é POESÍA 2019 (1 de maio de 2019)

6ª EDICIÓN

Mondoñedo é poesía chega á súa 6ª edición convocando para o vindeiro 1 de maio en Mondoñedo (Capital galega da poesía) aos amantes da poesía dita, recitada, cantada, musicada ou visual. Esta actividade enmárcase, como sempre, dentro da programación das tradicionais Feiras e Festas das Quendas que se celebran desde 1541 (hai xa 478 anos).

Deseño: J. Pedro Gómez.

Deseño: J. Pedro Gómez.

Nesta edición homenaxeamos a Manuel Ledo Bermúdez “O Pallarego” (Mondoñedo, 1899-1964), o músico barbeiro que recuperou canda Cunqueiro e outros ilustres mindonienses como B. Vidarte ou X. Díaz Jácome, a tradición dos maios nos anos da Segunda República.

O cartel oficial da edición é da autoría do artista mindoniense, J. Pedro Gómez.

TENDAL DE POESÍA

Exposición na recepción do Auditorio Pascual Veiga. Montaxe foto-poética con poemas elaborados polo alumnado do IES San Rosendo inspirados en obras de artistas mindonienses e mariñaos.

RECITAL na RÚA

17:00h.-Saída da carroza do Maio da Finca da Loura (a carón da casa natal do Pallarego no Barrio dos Muíños de Arriba)

17:30h.-Praza Jaime Cabot (Alcántara)

Memoria dos Maios. Homenaxe á Manuel Ledo Bermúdez “O Pallarego”

Acto de homenaxe a un dos personaxes máis destacados da cultura popular mindoniense do s. XX: músico, mecenas e activista cultural. Interveñen: Remedios Ledo Vizoso, alumnado dos centros educativos e da Escola de Música Municipal.

Recital poético

Recitan: Alexandre Fernández Peón (2º premio Díaz Jácome 2018), Laura López (3º premio Díaz Jácome 2018) e Esperanza Pérez

RECITAL no AUDITORIO ‘PASCUAL VEIGA’

18:30h.-No Auditorio Pascual Veiga escoitaremos os versos de Martiño Maseda (1º premio Leiras Pulpeiro 2018), Alberte Momán (2º premio Leiras Pulpeiro 2018), Olga Novo e Antón Reixa

A música corre a cargo de Lino Rico (con Juan Carlos, Fajardo e David) e A Banda da Loba.

Presenta: Montserrat González Álvarez (Magadán).

Organizan: Asociación As San Lucas e Colectivo Mondoñedo É …

Colaboran: CEIP Álvaro Cunqueiro, IES San Rosendo e Escola de Música ‘O Pallarego’.

Patrocinan: Xunta de Galicia, Deputación de Lugo e Concello de Mondoñedo.

Source: Caderno de campo de Antonio Reigosa

2019-04-28T14:24:38+00:00 28 / 04 / 2019|Caderno de campo|